Այս ընթացքում ես փորձեցի զբաղվել այնպիսի գործունեությամբ, որի համար ժամանակ չեմ ունեցել: Կարդում եմ գրքեր, դիտում եմ հետաքրքիր ֆիլմեր։ Չնայած դպրոցներն ու համալսարանները փակ են, քանի որ հասարակական հավաքները և մի քանի հոգու համախմբվելը երկրում արգելված է, ուսուցումը իրականացվում է առցանց դասերի միջոցով։ Ուսուցիչը առցանց բացատրում է նոր նյութը և հանձնարարություն տալիս։ Այնուհետև մենք կատարված հանձնարարությունը ուղարկում ենք էլփոստով կամ անձնական հաղորդագրությամբ: Դպրոցը ամեն ինչ անում է, որ ծրագրից ետ չմնանք և չմոռանանք մեր անցած նյութերը։
Երկար ժամանակ ցանկանում էի գերմաներեն սովորել, բայց ժամանակ չեմ ունեցել, իսկ այժմ ես ժամանակ ունեմ նոր լեզու սովորելու և ուսումնասիրելու համար։ Այս ընթացքում ես կարող եմ ժամանակ տրամադրել ինքնակրթությանը։ Այնպես որ սիրելի ընկերներ մնացեք տանը և զբաղվեք ինքնակրթությամբ։
Ցանկանում եմ առողջություն, ամեն ինչ լավ է լինելու։
Комментариев нет:
Отправить комментарий