среда, 3 октября 2018 г.

Գյումրու տոնը Գյումրիում

Քրիստինե Զախարյան

Վրացախոսների հետ այցելությունս դեպի Գյումրի արդեն երկրորդ անգամ էր: Անկեղծ ասած առաջին այցելության տպավորություններս ավելի մեծ էին, քան այս անգամ: Քաղաքը տոնական էր և մարդաշատ: Երևանից և տարբեր շրջաններից եկել էին քաղաքի տոնին մասնակցելու:
Տոնը կրում էր  «Վերածնվող Գյումրի» անունը: Երկրաշարժից հետո Գյումրեցիները ամեն տարի, օրացույցով նշված ոչ նույն օրը նշում են Գյումրի քաղաքի տոնը: Երկրաշարժից հետո անցել է երեսուն տարի, ինչ խոսք վերածնվել է Գյումրին...
Գյումրին ինձ համար մեծ և գեղեցիկ քաղաք է,  որը ամեն անգամ տեսնում ես յուրովի: Շատ են հրապարակները և պուրակները,  ամեն փողոց ունի իր հրապարակը: Շատ են նաև երկրաշարժից մնացած շինությունները... նեղ փողոցներն ու տները, որոնք իրենց հնությամբ գեղեցկացնում են քաղաքը:
Երիտասարդական պալատում հանդիպեցինք Գյումրու վրացախոսների հետ: Ծանոթացանք օրվա օրակարգին,  ներկայացրեցինք մեր ծրագրերը:  Հանդիպումը կարճ տևեց,  քանի որ նրանք պետք է պատրաստվեին տոնական համերգին: 
Երեկոյան սկսվեց շատ սպասված համերգը:  Երգեցինք,  պարեցինք..
Տոնը  ավարտվեց հանդիսավոր հրավառությամբ:

Комментариев нет:

Отправить комментарий