Դեկտեմբերի 11-ին «Մխիթար Սեբաստացի» կրթահամալիրի հյուրն էր Հայաստանում Վրաստանի արտակարգ և լիազոր դեսպանի տիկինը՝ Էկատերինե Բաքրաձեն, որի հետ իրականացրեցինք «Ընթերցում ենք Ռուսթավելի Էկա Բաքրաձեի հետ» նախագիծը:
Մինչ տիկին Է․Բաքրաձեի հետ հանդիպելը վրացերենի ընտրության սովորողների հետ ծանոթացել էինք Շոթա Ռուսթավելու «Ընձենավորը» պոեմի հետ։ Ուսումնասիրել էինք Ռուսթավելու կյանքն ու գործունեությանը։ Էկա Բաքրաձեն խոսեց Ռուսթավելու և պոեմի ստեղծման դարաշրջանի մասին, ընթերցեց իր սիրելի հատվածը։
Սովորողները հայերեն և վրացերեն ընթերցեցին հատվածներ «Ընձենավորը» պոեմից։ Ներկայացվեց նաև Ռուսթավելու աֆորիզմները։ Դեսպանի կինը շատ տպավորված էր և հուզված։ «Ընթերցում ենք Ռուսթավելի» նախագիծը կլինի շարունակական։
Միջոցառմանը ներկա էր Վրաստանի դեսպանության առաջին քարտուղար Շալվա Սաբաուրին։
Комментариев нет:
Отправить комментарий